...ဒီနေ့ အန်ကယ် အင်းစိန်ထောင်မှာ .. ကိုညီညီအောင်နဲ့ နေ့လည် (၁)နာရီမှ (၂)နာရီအထိ (၁)နာရီလောက် နဲတွေ့ခွင့်ရခဲ့ပါတယ်။.... အဓိကကတော့ အခုစွဲထားတဲ့ အမှုနဲ့ ပတ်သတ်ပြီး ခုခံရေးလမ်းကြောင်းတွေကို ရှင်းပြပါတယ်။ သူလည်း သဘောတူပါတယ်။ .... အရင်သူ့ကို ထားတဲ့နေရာက သန့်ရှင်းရေးရော အနံ့ အသက်ရော မကောင်းဘူးလို့ ပြောပါတယ်။ ... အခုတော့ အာဏာပိုင်တွေကို ပြောလိုက်လို့ ... အခုတော့ နေရထိုင်ရတာ ...အဆင်ပြေသွားပြီး ပြောပါတယ်။.... အခုရန်ကုန်မှာ ဖမ်းဆီးထိန်းသိမ်းထားတဲ့ သူတွေနဲ့ အတူတူ နေရတယ်လို့ ပြောပါတယ်။....ကျန်းမာရေး လည်းကောင်းပါတယ်။...
မြန်မာနိုင်ငံမှာ မွေးဖွားပြီး အမေရိကန်နိုင်ငံသား အဖြစ်ခံယူထားတဲ့ ကိုကျော်ဇောလွင်(ခ)ကိုညီညီအောင်ဟာ ပြီးခဲ့တဲ့ စက်တင်ဘာလ၃ရက်နေ့က ရန်ကုန်မင်္ဂလာဒုံလေဆိပ်၌ ဖမ်းဆီးခြင်းခံရပြီး ၁၇ရက်နေ့က အင်းစိန်ထောင်သို့ ပို့ဆောင်ခြင်းခံခဲ့ရပါတယ်။ အင်းစိန်ထောင်အတွင်း ညှင်းပန်းနှိပ်စက်မှုမျိုးစုံ ခံခဲ့ရပြီး ၂၀ရက်နေ့မှာ အမေရိကန်သံရုံးမှ တွေ့ခွင့်ရခဲ့ပါတယ်။ ထောင်တွင်း ညှင်းပန်းနှိပ်စက်ခံရကြောင်း တွေ့ရှိရတဲ့ အတွက် အမေရိကန်သံရုံးနဲ့ လူ့အခွင့်အရေးအဖွဲ့များက ကန့်ကွက်ခဲ့ကြပါတယ်။
စစ်အစိုးရသတင်းစာတွင် ကိုညီညီအောင်အား စွပ်စွဲချက်မျိုးစုံတပ်ပြီး အကြမ်းဖက်သမားတစ်ဦး အဖြစ်စွပ်စွဲခဲ့ပါတယ်။ ယခုနောက်ဆုံး လိမ်လည်မှု၊ စာရွက်စာတမ်း အတုပြုမှုဖြင့် စွဲချက်တင်ထားပါတယ်။
...ဆက်လက်ပြီး.....ရှေ့နေကြီး ဦးဥာဏ်ဝင်းမှ... ကိုညီညီအောင်က ပြောပါတယ် ... ဒီမှတ်ပုံတင် ကပ်ခွါလုပ်တယ်ဆိုတာ .. သူမသိဘူး .. သူလုပ်တာ လည်းမဟုတ်ဘူးလို့ ပြောပါတယ်။... အသုးံပြုတယ် ဆိုတဲ့ .. သက်သေလည်းမရှိပါဘူး ...။ ဥဒေအရ ပြောရရင်တော့ သူလုပ်တယ် မလုပ်တယ်ဆိုတာထက် . ... အသုံးမပြုဘူး .. အသုံးပြုတယ် ဆိုတဲ့သက်သေ မရှိဘူးဆိုရင် ... ဥပဒေမမြောက်ပါဘူး။.. စွပ်စွဲတာပဲရှိပါတယ်..... ...... ကိုညီညီအောင်က သူ့ကိုဝိုင်းဝန်း မေးမြန်းစုံစမ်း ကူညီပေးနေတဲ့ သူတွေအာလုံးကို ကျေးဇူးတင်ကြောင်း အမှာစကား ပါးလိုက်ပါတယ်။.... မနက်ဖြန်သူရဲ့ အသက်(၄၀)ပြည့် မွေးနေ့ပါ။ သူ့အဒေါ်က ကိုညီညီအောင် မွေးနေ့အတွက် ဘုန်းကြီး(၅)ပါး ဆွမ်းကျွေး အလှူလုပ်ပါမယ်။.. သူ့ဆွေမျိုးတွေနဲ့ တော့တွေ့ခွင့် မရသေးပါဘူး။ ပစ္စည်းတော့ ပို့လို့ရတယ်လို့ ပြောပါတယ်။ ဒီနေ့ အန်ကယ်ဦးကြည်ဝင်း အမှုကိစ္စရှိတဲ့ အတွက် အန်ကယ်တစ်ယောက်ပဲ သွားတွေ့ခဲ့တာပါ။ ....ဟုကိုညီညီအောင်၏ အကျိုးဆောင် ရှေ့နေတဦးဖြစ်သည့် အမျိုးသားဒီမိုကရေစီအဖွဲ့ချုပ် ပြောခွင့်ရပုဂ္ဂိုလ် ရှေ့နေကြီးဦးဥာဏ်ဝင်းက ပြောဆိုပါတယ်။
လာမည့်(၃၀)ရက်နေ့ သောကြာနေ့မှာ ကိုညီညီအောင်ရဲ့ အမှုကို မင်္ဂလာဒုံတရားရုံးမှာ ဆက်လက်စစ်ဆေးမှာ ဖြစ်ပါတယ်။ မြန်မာနိုင်ငံမှာ နိုင်ငံရေးလှုပ်ရှားသူတွေဟာ မကြာခဏ မိမိတို့မပြုလုပ်ရသော စွဲချက်မျိုးစုံဖြင့် တရားစွဲဆို ခံရပြီး နှစ်ရှည်ထောင်ဒဏ်များ မတရားချမှတ်ခံရပါတယ်။ ကိုညီညီအောင်၏ မိခင်ဖြစ်သူနှင့် မိသားစုဝင် ၅ဦးမှာလည်း နှစ်ရှည်ထောင်ဒဏ်များ ချမှတ်ခံနေရပါတယ်။....။
ကိုညီညီအောင် အသက်(၄၀)ပြည့် မွေးနေ့မှာ ကိုညီညီအောင်နှင့် တကွ မတရားအဖမ်းအဆီး ခံနေရသော နိုင်ငံရေး အကျဉ်းသားအားလုံး အမြန်လွတ်မြောက် ပါစေကြောင်း ဆုမွန်ကောင်း တောင်းလိုက်ပါတယ်။.....။
ဒီမိုဝေယံမှပေးပို့ ပါသည်..
0 comments:
Post a Comment