နအဖကိုယ်တိုင် မယုံကြည်တဲ့ နအဖရဲ့ပညာရေးစနစ်အကြောင်း။

မြန်မာပြည်ရဲ့ အလီဘာဘာလို့ ကျော်ကြားပြီး အနာဂါတ်နိုင်ငံတော်သစ်ကြီးမှာ ဝန်ကြီးချုပ်လုပ်မယ် လို့ ကြွေးကျော်နေတဲ့ ဦးအောင်သောင်းတယောက် တိုင်းသူပြည်သားတွေဆီက မတရားကောက် ခံထားတဲ့အခွန်ငွေတွေ နိုင်ငံတော်ဘဏ္ဍာထဲက ခိုးထားတဲ့ သုံးမကုန်အောင် များပြားလှတဲ့ ငွေတွေနဲ့ လာမဲ့ရွေးကောက်ပွဲဝင်ဖို့ မန္တလေးတိုင်းအတွင်းမှာ စည်းရုံးရေးဆင်းနေပါတယ်။

ကျောင်းဆောင်သစ်ဖွင့်ပွဲတွေမှာလည်း နိုင်ငံတော်က ပညာရေးစနစ်ကို ဘယ်လိုကောင်းအောင်လုပ်ထား လို့၊ ကမ္ဘာပေါ်မှာ အကောင်းဆုံးပညာရေးအသီးအပွင့်တွေကို နယ်စွန်နယ်ဖျားအထိ ဆွတ်ယူသုံးစွဲလို့ရနေ ကြောင်း၊ စသဖြင့် လိမ်ညာဝါဒဖြန့် ပြောဆိုလေ့ရှိပါတယ်။

ဒါပေမဲ့ တိုင်းပြည်ရဲ့ ဒုတိယ စစ်ခေါင်းဆောင် ဗိုလ်ချုပ်မောင်အေးရဲ့ သမီးနဲ့ ဝန်ကြီးအောင်သောင်းရဲ့ သားတို့ က မွေးဖွားလာတဲ့ မူကြိုအရွယ် ခလေးအတွက် ဖီလစ်ပိုင်နိုင်ငံမှ ဆရာတဦးကို နေထိုင်စားသောက်စား ရိတ်တလကို US$2000.00 နဲ့ ဌားရမ်းသင်ကြားပြသစေပါတယ်။

အဲဒီ ဦးအောင်သောင်းရဲ့ သားတယောက်ဖြစ်တဲ့၊ “နေအောင်” ဟာ ရန်ကုန်မြို့ Sedona Hotel အနောက်မှာ US$ 10သန်းကျော် အကုန်ခံပြီး နိုင်ငံတကာအဆင့်မှီ International School တခု ဖွင့်တော့မှာပါ။ ပညာရေးဝန်ကြီးဒေါက်တာချမ်းငြိမ်းရဲ့ ပညာရေးစနစ်ကို အယုံအကြည် မရှိလို့တဲ့။


အလားတူ “ဒုတိယဗိုလ်ချုပ်ကြီးကိုကို” ဟာလလည်း ကျောင်းဆောင်သစ်ဖွင့်ပွဲတို့ ပညာရေးစုံညီပွဲတို့မှာ မြန်မာ့ ပညာရေးနစ်ကြီးကောင်းကြောင်း၊ မစားရ ဝခမန်း ပြောပါတယ်။ ဒါပေမဲ့ သူ့ရဲ့သားအရင်းကိုတော့ တနှစ်ကို ကျောင်းလခ US$20000.00 ကျော်ပေးရတဲ့ International School Yangon (ISY) မှာ ထားပါတယ်။ ဒါတင်မကပါဘူး၊ ILBC, YIEC, PIEC, MNL, RV အစရှိတဲ့ နိုင်ငံခြားသင်ရိုးညွှန်းတန်းအတိုင်း နိုင်ငံခြားသားဆရာ ဆရာမများ သင်ကြားပြီး၊ နိုင်ငံခြားငွေနဲ့ တွက်ချက်ပေးရတဲ့ကျောင်းတွေမှာ တက်နေကြသူတွေ အများစုဟာ စစ်ဗိုလ်ချုပ်တွေရဲ့ သားသမီးမြေးတွေပါ။

လက်ရှိပညာရေးစနစ် မကောင်းလေ စစ်ဗိုလ်ချုပ်ကြီးတွေက သဘောကြလေပါ။ ဒါမှ အနာဂါတ်မှာ နိမ့်ကျတဲ့ ပညာရေးစနစ်ကြောင့် ဘာမှမတတ်တဲ့ မြန်မာ့ခလေးတွေအပေါ် နိုင်ငံတကာပညာရေးစနစ်က ပေါက်ဖွားလာတဲ့ စစ်ဗိုလ်ချုပ်ကြီးတွေရဲ့ သားသမီးတွေက အုပ်ချုပ်ကြမှာပါ။ သေသေချာချာ စီမံကိန်းချပြီး တိုင်းပြည် ကို အညွှန့်တုံးအောင် လုပ်ဆောင်နေကြတာပါ။

ဗိုလ်ချုပ်မှူးကြီးသန်းရွှေရဲ့ မြေး၊ ထွန်းနိုင်ရွှေရဲ့ သားဖြစ်သူ အသက်(၁၅)နှစ်ခန့်ရှိ “ကျော်ကျော်” ဆိုသူဟာလည်း၊ ISY ကျောင်းသားတဦးပါ။ ( ပညာရေးဝန်ကြီး၊ Dr.ချမ်းငြိမ်းကို မေးပါရစေ၊ ခင်ဗျားရဲ့ ခေတ်မှီမြန်မာ့ပညာရေးစနစ်ကြီးထဲမှာ ခင်ဗျားရဲ့ စစ်ဗိုလ်ချုပ်ကြီးတွေရဲ့ သားသမီးမြေးတွေ ဘာလို့ ပါဝင်ခွင့် မရတာလဲ။ သူတို့ သားသမီးတွေ ကျောင်းလခတွေအတွက် ခိုးထားတဲ့ ဒေါ်လာတွေ သောင်းချီကုန်နေကြတာ သနားစရာ ဖြစ်နေလို့ပါ။ )

Singaporeနိုင်ငံနဲ့ တခြားနိုင်ငံတွေမှာ သွားရောက်ပညာသင်ကြားနေတဲ့ စစ်ဗိုလ်ချုပ်တွေရဲ့ သားသမီးတွေ ဒုနဲ့ဒေးပါ။ အဲဒီလို သွားရောက်သင်ကြားရာမှာ ငွေကြေးအခက်အခဲ မရှိရအောင် စီစဉ်တဲ့အနေနဲ့၊ နိုင်ငံကူးလက်မှတ် လျှောက်ထားစဉ်ကတည်းက မှတ်ပုံတင်အတု၊ သန်းခေါင်စာရင်းအတု၊ မိဘအမည်အတုတွေ သုံးထားပြီး အဲဒီ Passport နဲ့ဘဲ Bank Account တွေဖွင့်ခါ ခိုးထားတဲ့ နိုင်ငံပိုင်ငွေတွေ ထည့်ထား အသုံးပြုနေကြပါတယ်။ 

ပြည်တွင်းမှာတော့ အဆင့်မမှီတဲ့ ပညာရေးစနစ်ကို သင်ကြားနေရတဲ့ တပ်တွင်းက ဆင်းရဲတွင်းကျနေကြတဲ့ သာမန် စစ်သားမိသားစုတွေရဲ့ ခလေးများဘဝဟာလည်း သာမန်ပြည်သူပြည်သား မိသားစုတွေရဲ့ ခလေးများ ဘဝလိုဘဲ ဘာမှ မတတ်တဲ့ မြန်မာ့ပညာရေးဘဝထဲ တဝဲလည်လည် ဖြစ်နေပါကြောင်း ရေးသားတင်ပြလိုက်ပါတယ်။

(ရေးသားသူ - အတွင်းသိ)။
mail ဖြင့်ပေးပို့ လာသူ"အမ"အားကျေးဇူးတင်လျှက်...